Denboraldi berri honetarako, Glu Gluk ipuin klasiko baten moldaketa egin nahi du berriz, zein eta “Botadun katua” oraingoan. Ipuin honekin ikusleen arreta eta jakin-mina pizteaz gain, familia guztia dibertitzeko asmotan, irudimena suspertzea dugu helburu: hartzaileak hunkitu eta pentsarazi.
Indibidualismoa eta konponbide erraz eta arinak gailentzen diren garaiotan ikusle gazteenen nortasuna aberasteko eta indartzeko helburua dauka proposamen berri honek. Antzerki proposamenak gaur egunera begiratu nahi du: egunotan berehalakotasunak agintzen duela dirudi, edozer lortzeko ahalik eta bizimodu erosoena gailentzen baita, eta horri guztiari buelta eman nahi lioke obraren hari nagusiak.
Horretarako, “Botadun katua” ipuin klasikoaren antzerkirako moldaketa berria sortzea dugu xede. Ipuin ezagunak jatorriz dituen abenturez gain, kontakizun berri honetan, haurrak zein helduak mugak gainditzeko gai izan gaitezkeela erakutsi nahi dugu konstantziaz eta irmotasunaz baliaturik eta, nola ez, ...